Քանյա Ամբերլի Սեսսերը ծնվել է առանց ոտքերի, սակայն իրեն երբևէ հաշմանդամ չի համարել: Դրա փոխարեն աղջիկը համառորեն գնացել է իր նպատակին ընդառաջ, այն է`փոխել փայլով ողողված գեղեցկության ստանդարտները:
25 տարի առաջ Քանյային դաշտում լքված են գտել մի կին և տղամարդ: Մարմնի վրա վիրահատության որևէ հետք չգտնելով`բժիշկները ենթադրել են, այդ արատն ի ծնե է: Հավանաբար, մայրը հենց այդ պատճառով է լքել աղջկան:
Մանկության տարիներին Քանյան հաճախ է խուլիգանների հարձակումների զոհ դարձել: Սակայն շուտով նա սովորել է անտեսել դրանք: Նա գիտակցել է, որ միևնույն է, չի կարող փոխել իր մարմինը, ուստի հարկավոր է ամեն ինչ անել`գեղեցկության չափանիշների մասին շրջապատի պատկերացումները փոխելու համար: Հենց դրա համար էլ արդեն 15 տարեկանում նա սկսել է աշխատել`որպես մոդել:
Այնուամենայնիվ, Քանյայի գլխավոր նպատակն է`դառնալ հռետոր և ապացուցել բոլորին, որ արտասովոր լինել դեռևս չի նշանակում լինել վատը: Աղջիկը հույս ունի, որ ժամանակի ընթացքում մարդիկ ևս այդ մտքին կգան: Իսկ մինչ այդ, նա նկարահանվում է ամսագրերի համար, զբաղվում է սքեյթբորդով և Instagram-ում էջ է վարում, որին հետևում է ավելի քան հիսուն հազար օգտատեր:
