Անկարան անպատասխան չի թողնելու Սիրիայի սահմանամերձ շրջանների բնակիչների կոչերը և շարունակելու է ռազմական գործողություններն այդ տարածաշրջանում: Այդ մասին այսօր հայտարարել է Թուրքիայի նախագահ Ռեջեփ Թայիփ Էրդողանը:
Էրդողանը նշել է, որ շրջանի բնակիչներին քաջ հայտնի է, որ տարածաշրջանի բնակիչները լավ գիտեն Սիրիայում գործող բոլոր կողմերի նպատակներն ու մարտավարությունը: «Հենց այդ պատճառով էլ սիրիական այդ շրջանների բնակիչները կողմ են Թուրքիայի մուտքին, ում քաղաքականությունը մարդկանց մեջ ասոցացվում է «անվտանգության», «հանգստության» և «կարգ ու կանոնի» հետ»,- մեկնաբանել է նա:
Ընդ որում, Թուրքիայի ղեկավարն ընդգծել է, որ Անկարայի մտադրությունները Սիրիայում ամենևին չի կարելի համարել «ագրեսիվ»: «Հենց Արևմուտքն է, որ պատմության ընթացքում բազմիցս իրեն դրսևորել է որպես զավթիչ և ագրեսոր»,- նշել է Թուրքիայի նախագահը:
Էրդողանը հայտարարել է մարտի 18-ին Աֆրինի՝ քուրդական զինված ուժերից ազատագրման մասին: «Այժմ Աֆրինի վրա ծածանվում են Թուրքիայի և Սիրիայի ազատագրական բանակի դրոշները»,- հայտարարել է Թուրքիայի նախագահը:
