Վրաստանը Վիլնյուսի գագաթնաժողով է գնում շատ լավ արդյունքով: Ինչպես հաղորդում է Trend գործակալությունը, այս մասին հայտարարել է Վրաստանի նախագահ Գեորգի Մարգվելաշվիլին: Նրա խոսքերով՝ տարվա ընթացքում կառավարության գլխավոր ռազմավարությունը կմնա ԵՄ-ի հետ Ասոցացման համաձայնագրի ստորագրումը:
«Մենք անցկացրեցինք օրինակելի, եվրոպական տեսակի ընտրություններ, ինչը ծայրահեղ լավ նախապայման է այն բանի համար, որպեսզի կանգնենք Եվրոպայի առաջ: Կարծում ենք, որ Վրաստանը Եվրոպայի անբաժան մասն է կազմում: Շեշտադրումը կատարում ենք ապագա ծրագրերի վրա, որոնք կհետևեն նախաստորագրման շրջանին և համաձայնագրի ստորագրումից հետո»,- նշել է պետության ղեկավարը:
Մարգվելաշվիլիի խոսքերով՝ Վրաստանի ընտրության հարցում երկրի հասարակության և քաղաքական ոլորտի տեսակետը միասնական է:
Նշենք, որ Մարգվելաշվիլին Վրաստանի պատվիրակությունը կղեկավարի Վիլնյուսում «Արևելյան գործընկերության» գագաթնաժողովին, որը կայանալու է նոյեմբերի 28-29-ին:
