Տրանսպորտի աշխատողների զանգվածային գործադուլը Ֆրանսիայում տեղի կունենա հինգշաբթի:
Ֆրանսիայի երկաթուղային և այլ տրանսպորտային ընկերությունների աշխատակիցների զանգվածային գործադուլը աշխատանքային օրենսգրքի բարեփոխման դեմ կկայանա վաղը՝ Փարիզում և երկրի այլ քաղաքներում:
Ֆրանսիայում միջպետական գնացքների թիվը կկրճատվի 40% -ով, իսկ Փարիզի տարածաշրջանում միջքաղաքային գնացքների թիվը՝ գրեթե կեսով:
Բացի այդ, գործադուլին մտադիր են միանալ նաև Air France-ի աշխատակիցներն ու օդանավակայանները: Ֆրանսիայի քաղաքացիական ավիացիայի գլխավոր տնօրինության հաղորդմամբ՝ վաղը կհետաձգվեն Օրլիի, Ռուասսիի և Բովեի օդանավակայանների չվերթների շուրջ 40%-ը
Ֆրանսիական արհմիությունները գործադուլի կոչ են արել նաև հանրային ոլորտի աշխատակիցներին՝ ուսուցիչներին և բժիշկներին: Ակնկալվում է, որ միջին և բարձրագույն ուսումնական հաստատությունների ուսուցիչների շուրջ 15% -ը վաղը աշխատանքի դուրս չի գա, իսկ Փարիզի մի շարք դպրոցների ղեկավարությունը նույնիսկ դասերը չեղյալ է հայտարարել:
