ԱԺ-ում այսօր՝ մարտի 6-ին, հրավիրվել է արտահերթ նիստ՝ կառավարության նախաձեռնությամբ:
ԱԺ-ում քննարկվում է կառավարության կառուցվածքի և գործունեության մասին օրենքների փաթեթը 1-ին ընթերցմամբ ընդունելու մասին հարցը:
ԱԺ փոխխոսնակ Էդուարդ Շարմազանովը իր ելույթում հայտարարեց, որ ընդդիմադիր գործընկերները ամիսներ շարունակ խոսում են վարչապետական կամ սուպերվարչապետական համակարգի մասին, մինչդեռ աշխարհում նման բան չկա. «Կա խորհրդարանական համակարգ, և յուրաքանչյուր խորհրդարանական համակարգով երկրում առաջին ջութակը վարչապետն է»:
Անդրադառնալով հարցին, թե ինչու պետք է վարչապետին ենթարկվեն Ոստիկանությունը, ԱԱԾ-ն և վերահսկողական ծառայությունը, Շարմազանովն ասաց. «Կներեք, բա ո՞ւմ պետք է ենթարկվեն: Երբ այս կառույցները ուղիղ նրա ենթակայության տակ ենք դնում, բարձրացնում ենք այդ կառույցների քաղաքական պատասխանատվության մակարդակը»:
Շարմազանովը իր խոսքում անդրադարձավ նաև Միքայել Մելքումյանի՝ Արցախի հետ ինտեգրման հարցով նախարարություն ստեղծելու առաջարկին:
Իսկ վերջում խոսելով կառավարության դռնփակ նիստերի մասին՝ հիշեց Գալուստ Սահակյանին. «Դռնփակը դա թաքունը չի»:
Մանրամասները՝ տեսանյութում: