1950-1953թթ. Կորեական պատերազմի ժամանակ առևանգված Հարավային Կորեայի քաղաքացիների ընտանիքների անդամները մտադիր են Հաագայի Միջազգային քրեական դատարան հայց ներկայացնել Հյուսիսային Կորեայի առաջնորդ Կիմ Չեն Ինի դեմ՝ հաղորդում է ITAR-TASS-ը:
Հայցվորները Հյուսիսային Կորեայի ներկայիս ղեկավարին մեղադրում են իրենց հարազատներին անօրինական պահելու և տվյալ իրավիճակը կարգավորելու ուղղությամբ անհրաժեշտ միջոցներ չձեռնարկելու մեջ:
Բացի Կիմ Չեն Ինից, չորեքշաբթի հայցեր կներկայացվեն նաև Հյուսիսային Կորեայի զինված ուժերի նախարար Չան Չոն Նամի, պետական անվտանգության նախարար Կիմ Վոն Խոնի, հասարակական անվտանգության նախարար Չոյ Բո Իլյայի դեմ:
Հայցվորների խոսքերով՝ նախկինում Փխենյանը պարբերաբար հերքել է այս մեղադրանքները և փորձել թաքցնել խաղաղ բնակիչների առևանգման փաստերը:
