«Կարող են լինել սպասելիքներ՝ հատկապես ներդրումային դաշտում։ Բայց կա մեկ հանգամանք. նա անձ է, որը լուրջ կարիերա է ունեցել Արևմուտքում՝ համարյա թե անընդհատ բարձրացման մեջ է եղել, ինչից ելնելով՝ կարելի է ասել, որ Հայաստանում նրա գործունեությունը չի կարող սահմանափակվել միայն ծիսակարգային շրջանակով, կունենա այլ դրսևորումներ»,- «Առաջին լրատվական»-ի հետ զրույցում նման տեսակետ հայտնեց «Հոգևոր Հայաստան» նախաձեռնության աջակից Վարդան Խաչատրյանը՝ անդրադառնալով ՀՀ 4-րդ նախագահի թեկնածու Արմեն Սարգսյանին։
Վարդան Խաչատրյանի խոսքով՝ նա Արևմուտքի հոգեհարազատ թեկնածուներից մեկն է, ինչը, ըստ նրա, չի կարող էական նշանակություն չունենալ. «Արևմուտքի ու Արևելքի միջև հակասությունները գնալով ծայրահեղ են դառնում։ Երբ այսպիսի իրավիճակներում բոլորի համար ընդունելի թեկնածու ընտրեն, նա պարզապես գոյություն չի ունենա։ Ուրիշ հարց է, որ Ռուսաստանից ինչ-որ մարդիկ տեսակետ կունենան, որ արևմտյան վստահություն վայելող մարդն իրեն կարող է արդարացնել կամ ոչ»։
Հարցազրույցն ամբողջությամբ՝ մեր տեսանյութում:
