Ամերիաբանկը հանդես է գալիս միայն բժիշկների համար մշակված հատուկ քարտային արշավով, որը յուրօրինակ ֆինանսական շտապ օգնություն է բժիշկների համար:
Առանձնահատուկ ուշադրության արժանացնելով հանրության համար կարևորագույն նշանակություն ունեցող ոլորտի ներկայացուցիչներին` Ամերիաբանկն արշավի շրջանակներում առաջարկում է քարտով վարկային գիծ` սահմանելով յուրահատուկ արտոնյալ պայմաններ: Մասնավորապես`վարկային գծի օգտագործման համար մինչև տարեվերջ տոկոսադրույք չի կիրառվում, և մինչև տարեվերջ քարտի սպասարկումն անվճար է:
Փաթեթից կարող են օգտվել «Նաիրի», «Շենգավիթ», «Էրեբունի», «Նորք-Մարաշ», «Մալաթիա», «Սուրբ Գիգոր Լուսավորիչ», «Ռաֆայել» բժշկական կենտրոնների, «Մարգարյան» հիվանդանոցի, «Արմենիա» հանրապետական բժշկական կենտրոնի, «Արաբկիր» բժշկական համալիրի, «Սուրբ Մարիամ» ընտանիքի առողջության կենտրոնի, «Իզմիրլյան» գիտա-բժշկական կենտրոնի, «Մեդեսի», «Մատիկյան» ստոմատոլոգիական կլինիկաների և այլ առաջնակարգ առողջապահական հաստատությունների բժիշկները:
Արշավի շրջանակներում ներկայացված բժշկական հիմնարկությունների գլխավոր բժիշկներին, բաժանմունքների ղեկավարներին տրամադրվում է Visa/Master Platinum քարտ, որի վարկային գծի սահմանաչափը կազմում է մինչև 3,0 մլն ՀՀ դրամ, ոչ ղեկավար պաշտոններ զբաղեցնող, բայց գիտական կոչում ունեցող բժիշկներին տրամադրվում է Visa/Master Gold քարտ` մինչև 1,0 մլն ՀՀ դրամ վարկային գծի սահմանաչափով, իսկ մյուս բժիշկներին տրամադրվում է Visa/Master Standard քարտ` մինչև 500,000 ՀՀ դրամ վարկային գծի սահմանաչափով:
Վարկային գիծը տրամադրվում է մինչև 36 ամիս ժամկետով, ընդ որում, չի պահանջվում լրացուցիչ հաստատում և այն ստացող անձի եկամտի վերաբերյալ փաստաթուղթ:
Ամերիաբանկի այս նոր նախաձեռնությունը կնպաստի բժիշկների ֆինանսական ընթացիկ խնդիրների լուծմանը, նոր գործընկերական հարաբերությունների ձևավորմանը:
