Ինչպես հայտնի է դարձել Prime Crime պորտալին, անցած հանգստյան օրերին Հունաստանում կայացել է գողական հավաք, որին մասնակցել են ավելի քան 30 «օրենքով գողեր»։ Քրեական բարոնների հանդիպումը գլխավորել է 56-ամյա Լաշա Շուշանաշվիլին (Լաշա Ռուստավսկի)՝ առաջնորդը «հունական» գողական կլանի, որը հիմնականում կազմված է ծագումով վրացիներից (Թբիլիսի, Ռուսթավի և Քութայիսի)։ Աղբյուրները հայտնում են Լաշայի ստացած հեռախոսազանգի մասին, որը եղել է նրա գործընկեր Զախարի Քալաշովից (Շաքրոյ Մոլոդոյից), ով գտնվում է ՌԴ Անվտանգության դաշնային ծառայության «Լեֆերտովո» քննչական մեկուսարանում։ Նա ազդել է ողջ միջոցառման արդյունքի վրա։
Պարբերականի աղբյուրների տվյալներով՝ գողական գագաթնաժողովի օրակարգի կենտրոնում եղել է թբիլիսցի «օրենքով գող» Զվիադ Պապիաշվիլիի չփակված հարցը, ով մեղադրվում է թշնամական «սուխումական» կլանի առաջնորդ Մերաբ Ջանգվելաձեի հետ փոխհարաբերություններ ունենալու համար։ Այդ վեճի զարգացումը սպառնացել է տևական ժամանակ չեզոքություն պահպանող «հույների» հիմնական մասին ներքաշել գողական կլանների կոնֆլիկտում։ Մոսկվայից զանգահարողը խնդրել է գողերի չվիճել։
«Չար լեզուներն» ասում են՝ հավաքը եղել է ոչ ավելին, քան Շուշանաշվիլիի անձնական PR-ը, ով ցանկանցել է, որպեսզի Շաքրոն իրեն ինչ-որ բան խնդրի։ Լայնորեն գովազդված հավաքն ավարտվել է անարդյունք։ Մյուս կողմից, եթե զանգն իսկապես կայացել է, նշանակում է, պետանվտանգությունը դեռևս հետաքրքրված է Շաքրոյի հեղինակությունը պատշաճ բարձունքի վրա պահելով։
