Էքստրեմալ ցուրտ եղանակի անհավանական լուսանկարներ

Zefirka.net-ը ներկայացրել է էքստրեմալ ցուրտ եղանակի անհավանական լուսանկարներ։

1. Բյուրեղյա մաքրության սառած լիճ։ Գտնվում է Սլովակիայի լեռներում։ Նա այնքան մաքուր է, որ ձմռանը նրա մակերևույթով՝ սառույցով անցնող մարդուն թվում է, թե քայլում է օդով։

2. Սիբիրում. ջրամատակարարման խողովակների վնասվելու հետևանքներ։ 2015 թվականի հունվարին Սիբիրի Դուդինկի քաղաքում գրանցվեց 40 աստիճան ցուրտ, ինչն էլ վնասեց քաղաքի ջրամատակարարման խողովակը։ Դրանից հետո քաղաքի բնակիչները հայտնաբերեցին, որ փողոցները վերածվել են՝ մինչև գոտկատեղի բարձրության սառցե բլոկների։

3. Այրվող պահեստը դարձավ սառցե ամրոց։ Երբ 2015 թվականի ձմռանը Նյու Յորքի Բրուքլին շրջանում բռնկվեց հրդեհ, տեղի հրշեջներից պահանջվեց ավելի քան մեկ օր այն մարելու համար։ Քանի որ փողոցում այդ ժամանակ ուժեղ ցրտեր էին, պահեստը գիշերվա ընթացքում վերածվեց իսկական սառցե ամրոցի։

4. Ժայռագնացություն սառած ջրվեժով։ 2014 թվականի էքստրեմալ ցուրտ ձմեռը քաոս առաջացրեց համայն աշխարհում, սակայն Չինաստանում այն տեղի էքստրեմալների համար ապահովեց նոր և հաճելի զբաղմունք։

5. Սառած փրփուր շոտլանդական գետում։ Լուսանկարը 2014 թվականին արվել է Աբերդինշեիրում՝ Դի գետում։

6. Միչիգանի սառած լիճը։ Լուսանկարն արվել է 2015 թվականի հունվարի 5-ին Չիկագոյում Գորգոն ձմեռային փոթորկի հարվածից մի քանի ժամ առաջ։

7. Ավտոմեքենայի անիվի սառույցներ։ Լուսանկարն արվել է Կանադայում։ Ընթացքի մեջ գտնվող մեքենայից սկսում են թափվել ջրի կաթիլներ, որոնց էլ տեղի ցուրտ եղանակը վերածում է փոքրիկ սառույցների։

8. Պայթող ծառեր և սառած սնդիկ։ Սիբիրում ձմռան միջին ջերմաստիճանը կազմում է -35 աստիճան։ Նման պայմաններում գետնին տապալված ծառերը երբեմն պայթում են բառիս բուն իմաստով։ Նման ցուրտ եղանակին անգամ սնդիկն է սառչում։

9. Ձնագնդիներ, Օհայո։ 2014 թվականի ձմռանը ԱՄՆ արևելյան նահանգներում գրանցվեց իսկական ձնե հրաշք։ Ուժգին քամին ձյանը տվել էր փքաբլիթի տեսք։

10. Եռացրած ջուրը վերածվեց ձյան։ 2014 թվականի ձմռանը բավական ցուրտ (-29 աստիճան, իսկ ուժգին քամու դեպքում՝ -46 աստիճան) եղանակ է տիրել ԱՄՆ-ի արևմտյան հատվածում։ Վիսքոնսին նահանգի Վիրոկ քաղաքի բնակիչներից մեկը կաթսայով եռացող ջուր է նետել դեպի վեր, և ջուրն ակնթարթորեն օդում վերածվել է ձյան։