«Շտապօգնությունը տարվա ընթացքում աշխատում է շատ լարված, ամենօրյա ռեժիմով, իսկ նոր տարվա օրերին էլ ավելի զգոն և ուշադիր ենք լինելու: Բոլոր բրիգադները պատրաստ են, ամեն ինչ բերված է պատրաստի վիճակ»,-«Առաջին լրատվական»-ի հետ զրույցում ասաց Շապբուժօգնության ծառայության ղեկավար Թագուհի Ստեփանյանը՝ անդրադառնալով Ամանորյա լարված աշխատանքին և կանչերին: Ստեփանյանն ասաց, որ չի կարող խոստանալ, որ կարող են բացարձակ ուշացումներ չլինել: Դա կախված է լինելու կանչերի քանակից ու բնույթից: «Բնականաբար մեզ համար միշտ էլ առաջնային է եղել յուրաքանչյուր օր հասնել ամենակարևոր, անհետաձգելի կանչերին: Դա մեր աշխատանքի ամենակարևոր մասն է:
Թագուհի Ստեփանյանի խոսքով Ամանորին կանչերի մեծ մասը վերաբերում է սիրտանոթային հիվանդություններին, ապա սուր շնչառական հիվանդություններին և երրորդ տեղում տրավմաներն են: «Ինչ վերաբերում է խմիչքի օգտագործմանը, դրանից թունավորումների դեպքերին, ապա ամեն դեպքում վերջին տարիներին կոնկրետ ալկոհոլային թունավորումների դեպքեր չեն արձանագրվել: Վերջին 2-3 տարիների ընթացքում, ուտելիքից և խմիչքից թունավորումների հետ կապված կանչեր հիմնականում չենք ստանում: Հուսանք, որ այս տարի էլ այդպես կլինի»,-եզրափակեց տիկին Ստեփանյանը:
