33-ամյա Ֆրենկ Դյուֆուրմանթելը 95% այրվածք էր ստացել: Բժիշկներն ասում էին, որ նրա ապրելու հավանականությունը գրեթե 0-ի է հավասար, սակայն նրա երկվորյակ եղբայր Էրիկը տրամադրեց իր մաշկը և փրկեց եղբոր կյանքը: Պատմում է the Telegraph-ը:
Ֆրենկն աշխատում էր ֆաբրիկայում. սխալի արդյունքում նրա ձեռքերի մեջ պայթեց քիմիական լուծույթով լի տարան և վայրկյաններ անց բռնկվեց:
Երբ նրան տեղափոխեցին հիվանդանոց, ոչ մի բժիշկ չէր հավատում, որ նա կփրկվի: Սակայն նրանք չգիտեին, որ Ֆրենկը երկվորյակ եղբայր ունի՝ Էրիկը: Էրիկի՝ եղբորը փրկելու ցանկությունը որոշիչ դեր կատարեց: Նա առաջարկեց օգտագործել իր մաշկը, և բժիշկները բարդագույն վիրահատություն կատարեցին:
Թեպետ դա ռիսկային քայլ էր, սակայն Փարիզի Սենտ-Լուիս հիվանդանոցի փորձագետները թույլտվություն ստացան RFI-ից (գենետիկայի և դոնորության հարցերը կարգավորող կառույց Ֆրանսիայում):
Արդյունքում բժիշկները փոխառեցին Էրիկի մաշկի 50%-ը: Նրանք կարողացան ներհյուսել այն Ֆրենկի մարմնին, ինչի արդյունքում նրա սպիները սկսեցին արագ ապաքինվել:
