Դանիայի երկու կենդանաբանական այգիների ղեկավարությունը Կոպենհագենում և Գիվսկուդում այցելուներին խնդրել է վայրի գիշատիչների համար որպես կեր տանել ընտանի կենդանիներ: Կենդանաբանական այգիներն ընդունում են մասնավորապես ծովախոզուկներ և ճագարներ, որոնցով սնվում են վագրերը, առյուծները և գայլերը: Այս մասին հայտնում է TV2 հեռուստաալիքը:
Կոպենհագենի կենդանաբանական այգու աշխատակցուհի Աննա-Սոֆի Էլլերը պատմել է, որ գիշատիչներին կատուներով կամ շներով կերակրելը ոչ էթիկ կլիներ: Բացի դրանից՝ այդ կենդանիները գիշատիչների բնական սննդակարգում չկան:
«Լավ է, երբ կենդանիները բազմազան են սնվում: Նրանց համար զվարճալի է մորթի ծամելը, իսկ ներքին օրգանները նրանց համար շատ օգտակար են»,- ասել է Էլլերը:
