Գիտնականների ևս մեկ ուսումնասիրություն հաստատել է, որ շուն ունեցողներն ավելի երկար են ապրում: Պարզվել է՝ նրանք ավելի հազվադեպ են մահանում սրտանոթային հիվանդություններից և այլ պատճառներով, հայտնում է ladyhealth.com.ua-ն:
Շվեդ հետազտողները 2001-2012 թթ. հետևել են իրենց 40-80 բնակչության առողջությանը:
Պարզվել է՝ շուն ունեցողների շրջանում դիտարկումների ամբողջ ընթացքում մահացությունը 20%-ով ցածր է եղել, քան շուն չունեցողների դեպքում: Ուսումնասիրության հեղինակները համոզված են, որ դրա հիմնական բացատրությունը ֆիզիկական ծանրաբեռնվածության ազդեցությունն է: 30 նախորդ ուսումնասիրությունները ցույց են տվել, որ շուն ունեցողները ֆիզիկական մեծ ծանրաբեռնվածություն են ունենում:
Ինչ-որ չափով դա բացատրվում է ֆիզիկական ծանրաբեռնվածության ավելացմամբ, բայց մեծամասամբ նրանով, որ շան տերը շփումների ավելի մեծ շրջանակ ունի, ինչից կախված է մարդու ոչ միայն հոգեկան, այլև ֆիզիոլոգիական առողջությունը: Հայտնի է, որ շան տերերն առանց խնդրի ծանոթանում են փողոցներում և զրուցում են, ինչը չեն կարողանում անել շուն չունեցողները:
Հետազոտությունը նաև ցույց է տվել, որ շների որոշ ցեղատեսակներ իրենց տերերի կյանքի տևողության վրա ազդեցության առումով ավելի օգտակար են: Օրինակ՝ փոյնթերների և ռեթրիվերների տերերի դեպքում սրտանոթային հիվանդությունների ռիսկը պակաս է եղել:
