«Ժամանակ» թերթը գրում է «ՀՀ կալանավայրերի վարչության նախկին պետ Մուշեղ Սաղաթելյանը դեմ է զենքով իշխանափոխության հնարավորությանը, սակայն անդրադառնալով ԱԱԾ-ի այն հայտարարությանը, թե Հայաստանում ահաբեկչություն կազմակերպելու կասկածանքով հետախուզվում է ԱՄՆ քաղաքացի՝ հարց է բարձրացնում․ «Հայաստանում բազմաթիվ նման մարդիկ կան, ասում են՝ այո՛, ձեր արածի համար ձեզ պետք է սատկացնել, ինչո՞ւ քրգործ չեն հարուցում։ Թե՞ ինչ-որ խաղ կա, ինչ-որ բան են ուզում՝ Ամերիկային «քցելու» համար ռուսներին խոսելու շանս են տալիս:
Հենց Հոկտեմբերի 27-ի ամենամեծ մեղսագործը ԱԱԾ-ն է, օպերատիվ ծառայությունը, որն ինֆորմացիա ուներ, որ Վազգեն Սարգսյանին ցանկացել են սպանել ու քրգործ չի հարուցել։ Նա ձեր ցանկացածին էր ուզում սպանել՝ թույլ տվեցիք, իսկ հիմա՞, մարդը, որ նման գործողությունների հնարավորություն էլ չունի՝ հետախուզում եք հայտարարում։ Հոկտեմբերի 27-ի մասով՝ Վազգեն Սարգսյանի հետ կապված բազմաթիվ նյութեր կան, 1-2 դեպք է կանխվել, այդ ո՞նց եղավ, որ չկանխվեց»:
Առավել մանրամասն՝ թերթի այսօրվա համարում:
