Արմեն Ջիգարխանյանի և Վիտալինա Ցիմբալյուկ Ռոմանովսկայայի բաժանությունը կարող է անվավեր ճանաչվել: Այս մասին հայտարարել է Ռոմանովսկայայի պաշտոնական ներկայացուցիչ Էլինա Մազուրը:
Նա պնդում է, որ դերասանը դատարանին ոչ անվավեր անձնագիր է ներկայացրել: Ըստ նրա՝ Ջիգարխանյանի ձեռքում անձը հաստատող երկու փաստաթուղթ կա: «Արդեն բաժանությունից հետո մենք ուսումնասիրել ենք լիազորագիրը, որի հիման վրա դատական գործողություններ ենք իրականացրել և պարզել ենք, որ Արմեն Ջիգարխանյանը երկու անձնագիր ունի, ընդ որում՝ դրանցից մեկը տվել է ճիշտ այն ժամանակ, երբ նա, 57-րդ Կենտրոնական կլինիկական հիվանդանոցի պնդմամբ, իրենց մոտ է գտնվել միջին ծանրության վիակում, բայց դեռ չէր կարողանում տեղաշարժվել»,- հայտարարել է Մազուրը «Ուղիղ եթեր» հաղորդման եթերում:
«Նույն օրն այդ լիազորագիրն է տրվել, իսկ հետագա փաստաթղթերը ձևակերպված են եղել Արմեն Բորիսովիչի հին անձնագրի հիման վրա, օրինակ՝ նրա դիմումը ոստիկանության բաժանմունք»,- հավելել է նա:
Մազուրը պատմել է, որ Ռոմանովսկայայի անունից հայտարարություն է գրել դատախազությունում: Նա նշել է, որ իր ընկերուհին մտադիր չէ հասնել ամուսնալուծությունն անվավեր ճանաչելուն: Իբր, նա պարզապես ուզում է պարզել՝ արդյոք Ջիգարխանյանը մեքենայության զոհ չի դարձել:
Նշվում է, որ Եվգենի Պարֆյոնովը՝ դերասանի փաստաբանը, հերքել է Մազուրի տեղեկությունը: Նա վստահ է, որ Վիտալինան և Էլինան պարզապես շարունակում են մակաբուծել դերասանի անվան շուրջ:
