Ռուսական RT-ն և Sputnik-ը սոցցանցերում գործածում են մեծ թվով օգտահաշիվներ՝ տարածելու Իսպանիայի բացասական իմիջ՝ Կատալոնիայի անկախության մասին հանրաքվեից առաջ և հետո։ Այս մասին հայտնում է El Pais-ն։
Նման տեղեկությունը ստացվել է մանրակրկիտ վերլուծությունից, որն իրականացրել են Ջորջ Վաշինգտոնի համալսարանի գիտնականները՝ կապված 5 մլն հաղորդագրությունների հետ։ Հաշվետվությունում պարունակվում է նախազգուշացում «Իսպանիայում և ԵՄ-ում քաղաքական ու տնտեսական հեղինակության լուրջ ճգնաժամի մասին»։ Մասնագետները հայտնում են զոմբի-օգտահաշիվների մի ողջ բանակի հայտնաբերման մասին։
Երեկ իսպանացի երկու նախարարներ խոստովանել էին, որ իսպանական կառավարությունը հաստատում է տեղեկությունն այն մասին, որ կատալոնական ճգնաժամի ժամանակ «ապակառուցողական հաղորդագրություններն» ուղարկվել էին Ռուսաստանից և «այլ տարածքից»։ Կառավարական աղբյուրները հաստատում են, որ «այլ տարածքը» վերաբերվում է Վենեսուելային։
