Հնդկաստանում գտել են բենզինի գողին. նա ոչ թե մարդ է, այլ կապիկ

Հնդկաստանի Պանիպատ քաղաքի մոտոցիկլետների տերերը նկատել են, որ իրենց վառելիքի բաքերից բենզինն անընդհատ անհետանում է։ Տուժածները որոշել են հսկողություն սահմանել կայանատեղիում և ապշել են, երբ տեսել են վառելիք գողացողին, հայտնում է Daily Mail-ը։

Պարզվել է, որ բենզինը գողանում է կապիկը, որն այնքան է տարվել վառելիքով, որ սկսել է հրաժարվել ցանկացած այլ հյուրասիրությունից։ Զարմանալի է, սակայն բենզինի օգտագործումը կենդանուն առանձնակի վնաս չի հասցրել։

Մակակային այլևս չեն թողել մոտենալ կայանատեղիին, կապիկի ճակատագիրն անհայտ է, հավանաբար նա բենզինի նոր աղբյուր է գտնել իր համար։