«Վիգեն Սարգսյանը բանակում փոփոխություններ անելուց առաջ լավ կաներ բանակում ծառայեր, նոր։ Բանակում չծառայած մարդը ոչ մի լավ բան չի կարող անել բանակի համար։ Նա իր «բարեփոխումներով» միայն ու միայն նպաստում է հայաթափմանը»,- «Առաջին լրատվական»-ի հետ զրույցում ասացին խաղաղ պայմաններում զոհված զինծառայողների ծնողները, ովքեր կրկին հավաքվել էին Կառավարության շենքի դիմաց։
Մայրերի խոսքով՝ արդարացի է ուսանողների պայքարը տարկետման համար։ Տարկետում պետք է լինի, իսկ եթե իրենք այդպիսով փորձում են այնպես անել, որ բոլորը գնան բանակ, ապա թող այլ մեխանիզմներ մշակեն, որ «օլիգարխների ու պաշտոնյաների թուլաները» գնան բանակ, այլ ոչ թե «ծակուծուկ մտած, բարերում թաքնված մնան, իսկ իրապես խելացի երիտասարդներին քշեն բանակ, որը վաղուց արդեն բանակ չէ, այլ բարդակ է։
«Մի տեղ, որտեղ զինվորին սպանում են, էլեկտրահարում են, բռնաբարում են, դա բանակ կոչվել չի կարող։ Դա բարդակ է։ Բարդակ Վիգեն Սարգսյանի գլխավորությամբ, որը Սերժ Սարգսյանի ձեռքի խաղալիքն է ընդամենը»,- նշեցին մայրերը։
Առավել մանրամասն՝ տեսանյութում:
