«Երևանի հնգամյա զարգացման ծրագրով առաջարկվող լուծումները միանշանակ կօգնեն բեռնաթափել երթևեկությունը, ազատվել խցանումներից։ Այդ խնդիրը վերջնական լուծում է ստանալու։ Մենք ունենալու ենք միջազգային չափանիշներին համապատասխան հասարակական տրանսպորտ և գործող հասարակական տրանսպորտի քանակի էական կրճատում»,- «Առաջին լրատվական»-ի հետ զրույցում ասաց Երևանի փոխքաղաքապետՎահե Նիկոյանը։
Նրա խոսքերով՝ նոր ավտոբուսներ են ներկրվելու, գործող երթուղային գծերից շատերը կմիավորվեն, կկրճատվեն, որը կնպաստի ճանապարհների բեռնաթափմանը։ Նիկոյանի խոսքերով՝ նոր երթուղային ցանցն արդեն պատրաստ է, դրա շրջանակներում միկրոավտոբուսները կվերանան։ Աշխատանքներ են տարվում մեկ-երկու միասնական օպերատորի մասին, բայց վերջնական տարբերակ դեռ ընտրված չէ։
Ինչ վերաբերում է նոր տրանսպորտի սակագնին, ապա, Նիկոյանի խոսքերով, դեռ քննարկումներ են գնում, բայց ամեն ինչ անելու են, որպեսզի հասանելի սակագին լինի։
Առավել մանրամասն՝ տեսանյութում։
