«Մենք տարիներ առաջ Հայաստանում ընտանեկան բռնության վերաբերյալ հիմնարար հետազոտություն ենք իրականացրել և Եվրամիության սահմանած 5 ստանդարտներով գրանցել ենք 85 տոկոս բռնություն»,-«Առաջին լրատվական»-ի հետ զրույցում ասաց սոցիոլոգ Ահարոն Ադիբեկյանը՝ հիմնավորելով, որ Ընտանեկան բռնության կանխարգելման մասին օրենքն անհրաժեշտություն է։
Նրա խոսքերով՝ Հայաստանում բռնության նկատմամբ հակում կա։ Բռնությունների 6 տոկոսը սեռական բռնությունն է՝ ընտանիքի ներսում, որը ևս մտահոգիչ վիճակագրություն է։
Ահարոն Ադիբեկյանի խոսքերով՝ այսօր կինը պաշտպանության հնարավորություն չունի, բռնության դեպքում նրանք ամաչում են բարձրաձայնել դրա մասին։ «Մեզ պետք է, որ կինը հասկանա, որ ինքը պաշտպանված է։ Ամերիկայում պետությունը մխրճված է ընտանիքներում, իսկ մեր երկրում պետությունը ձեռքերը լվացել է։ Հիմա պետք է պետությունը ձեռքերը մխրճի ընտանիքներ, բայց դա կլինի մեր ավանդույթների դեմ։ Դրա համար դա պետք է անել շատ զգուշորեն»,- ասաց Ադիբեկյանը։
Առավել մանրամասն՝ տեսանյութում:
