«Ես գտնում եմ, որ երկրի նախագահը հետագայում պետք է ղեկավարի մեր երկրի հետագա գործընթացները: Երբ կգա քննարկման ժամանակը, և իմ այս միտքն արդեն կդրվի քննարկման, այն ժամանակ էլ կմտածենք, թե ինչպես»,-«Առաջին լրատվական»-ի հետ զրույցում ասաց ԱԺ ՀՀԿ խմբակցության պատգամավոր Գալուստ Սահակյանը:
Հարցին՝ հնարավո՞ր է ՀՀԿ-ականները խնդրեն Սերժ Սարգսյանին դառնալ վարչապետ, Գալուստ Սահակյանը նշեց.«Այլ տարբերակ չկա: Եթե այսօր որևէ մեկը կասի մի այնպիսի թեկնածու, ով մասնակից կլինի Հայաստանի բոլոր իրողություններին՝ սկսած 88-89 թթ. և այնպիսի մի մարդ, որ ունի քաղաքական որոշակի թիմ, ինչպես այսօր Հանրապետականն է, այդ դեպքում կարելի է մտածել»,-ասաց պատգամավորը:
Նա նշեց, որ քաղաքական ամենամեծ ուժն ունի Սերժ Սարգսյանը, ուրիշ որևէ հանրապետական առանձին այդ ուժը չունի:
Հարցազրույցն ամբողջությամբ՝ տեսանյութում:
