Պաղեստինցի կանանց ու տղամարդկանց թույլ են տվել շփվել համացանցով՝ պայմանով, որ նրանց նպատակը լինի ընտանիք կազմելը՝ ասվում է Պաղեստինյան ազգային վարչակազմի Գերագույն կրոնական խորհրդի որոշման մեջ:
Մուսուլմանական կրոնական որոշումը՝ « ֆետվան», փաստացի սահմանափակվում է Հորդանան գետի Արևմտյան ափով ու կրում հեղինակավոր կարծիքի բնույթ, քան կանոնի: Գազայի հատվածում, որտեղ իշխանությունը պատկանում է ՀԱՄԱՍ շարժման իսլամիստներին, հոգևորականությունը, ինչպես նախկինում, դատապարտում է համացանցային ծանոթությունները՝ փոխանցում է RIA Novosti-ն:
Գերագույն կրոնական խորհուրդը հակառակ սեռի ներկայացուցիչներին կոչ է արել վիրտուալ շփման ժամանակ պահպանել պաղեստինյան հասարակության բարոյական չափանիշները:
Աղջիկներին արգելվում է լուսանկարներ տեղադրել կամ արտաքինը տեքստային հաղորդագրությամբ բնութագրել:
Գազայի հատվածում քննադատել են այդ որոշումը՝ նշելով, որ այն բացասաբար կազդի երիտասարդների բարոյականության վրա:
