Microsoft-ի գլխավոր տնօրեն Սթիվ Բալմերը, որը սեփական կամքով լքել է պաշտոնը, հրաժեշտ է տվել ընկերության աշխատակիցներին: Ինչպես հայտնում է Reuters գործակալությունը, Սիեթլում հանդիպմանը ներկա է եղել Microsoft-ի մոտ 13 հազար աշխատակից:
Ելույթի ժամանակ նա մասնավորապես Microsoft-ը համեմատել է մրցակիցների հետ: Նրա կարծիքով՝ Apple-ը դրսևորում է իրեն որպես «նորաձև», Amazon-ը՝ որպես «էժան», Google-ը՝ որպես «ավելի շատ իմացող», իսկ Microsoft-ը՝ որպես «ավելին անող»:
Բալմերը նաև վստահություն է հայտնել, որ կորպորացիային մեծ ապագա է սպասվում: «Ես հավատում եմ Ձեզ, հավատում եմ առաքելությանը: Երկար տարիներ մենք հիանալի ընկերություն ենք եղել: Մենք հիանալի ընկերություն կլինենք դեռ շատ տարիներ»,-վստահ է նա:
Բալմերը բեմից հեռացել է Մայքլ Ջեքսոնի Wanna Be Startin’ Somethin’ երգի ներքո (երգը հնչել է նաև 1983 թվականին Microsoft-ի աշխատակիցների առաջին ժողովի ժամանակ), որին հաջորդել է I’ve Had The Time of My Life թրեքը «Կեղտոտ պարեր» ֆիլմից:
