Մանհեթենի Իսթ-սայդ շրջանը մի կողմից շրջափակված է պատնեշներով, մի կողմում դատարկ փողոցներն են, մեկ այլ կողմում՝ խցանման մեջ հայտնված բազմաթիվ ավտոմեքենաներ: Քաղաքը հսկում են ուղղաթիռները, հնչում են հատուկ տրանպորտի ազդանշանները:
Ինչպես հաղորդում է RIA Novosti-ն, տարին մեկ անգամ Նյու Յորքում մոլեգնում է ՄԱԿ-ի Գլխավոր ասամբելայի փոթորիկը. այդ ժամանակ առանց այդ էլ խելահեղ քաղաքի կյանքը հիշեցնում է բնական աղետի ժամանակներ:
Շուրջ 200 երկրների բարձրաստիճան պաշտոնյաներ՝ նախագահներ, վարչապետեր, շեյխեր, թագավորներ, պահանջում են անվտանգության հատուկ պայմաններ: Գլխավոր ասամբլեայի նստաշրջանի ժամանակ Մանհեթենի ամբողջ կենտրոնը շրջափակելու համար Նյու Յորքի ոստիկանության ուժերը չեն բավականացնում, բերվում են օժանդակ ուժեր, որոնք չեն կարողնաում զբոսաշրջիկներին պատասխանել, թե որտեղ է գտնվում մետրոյի մոտակա կայարանը:
Այս օրերին կարելի է տեսնել սև պիջակներով, սպիտակ վերնաշապիկներով շատ տղամարդկանց: Saks Fifth Avenue հայտնի խանութների ցանցի մոտ հերթեր են գոյացել: Նյույորքյան ԶԼՄ-ները հավաստիացնում են, որ Արգենտինայի նախագահ Ֆերնանդես դե Կիրշները Louboutins բուտիկից ձեռք է բերել միանգամից 20 զույգ կոշիկ:
ՄԱԿ գլխավոր քարտուղարի տեղակալ Փիթեր Լանսկի-Տիֆենտալը նախօրոք ներողություն էր խնդրել նյույորքցիներից անհարմարությունների համար՝ քաղաքին սփոփելով հաղոդրագրությամբ այն մասին, որ ՄԱԿ-ի ներկայացուցիչներն այստեղ ամեն տարի թողնում են 3.3 միլիարդ դոլար: Օրինակ՝ Ռուանդայի նախագահը իջևանել է Mandarin հյուրանոցում, որտեղ մեկ գիշերվա արժեքը 16 հազար դոլար է այն դեպքում, երբ 2009թ. տվյալների համաձայն՝ Ռուանդայի ՀՆԱ-ն մեկ շնչի համար կազմել է 900 դոլար:
Գլխավոր ասամբլեայի օրերին Նյու Յորքում ծաղկում է ամենաթանկարժեք հյուրանոցների, ռեստորանների, բուտիկների բիզնեսը:
