Pierre նյույորքյան հյուրանոցի սպասուհիները շուտով կստանան այսպես կոչված «խուճապի կոճակներ»: Այս մասին հաղորդում է Associated Press գործակալությունը: Այս սարքը փոխանցում է տագնապի ազդանշաններ:
Սարքերը գնելու որոշում կայացվել էր այն բանից հետո, երբ մայիսի 29-ին 74-ամյա եգիպտացի բիզնեսմեն Աբդ Ալ-Սալամ Օմարը հարձակվել էր սպասուհիներից մեկի վրա:
Եգիպտացին կտրականապես հերքում է նման մեղադրանքները, իսկ ոստիկանությունից էլ ասում են, որ գործը բավական բարդացել է այն պատճառով, որ հյուրանոցի ղեկավարությունն իրավապահներին է դիմել միջադեպից մեկ օր անց:
Հիշեցնենք, որ մայիսի 14-ին աղմկահարույց պատահար էր տեղի ունեցել նյույորքյան մեկ այլ՝ Sofitel հյուրանոցում, որի սպասուհին Արժույթի միջազգային հիմնադրամի արդեն նախկին ղեկավար Դոմինիկ Ստրոս Կանին մեղադրում է սեռական ոտնձգության մեջ:
