Ամերիկուհի Մաքենա Գրինուալդը, ով հայհոյանքներից մաքրել է Թրամփի աստղը Լոս Անջելեսի Փառքի ծառուղում, իսկական ծաղրուծանակի առարկա է դարձել սոցցանցերի օգտատերերի կողմից: Այս մասին հաղորդում է Fox News լրատվամիջոցը:
Թրամփի կողմնակիցների և ընդդիմախոսների միջև բուռն բանավեճ ու թեժ քննարկումներ են սկսվել այն բանից հետո, երբ երիտասարդ աղջիկը լուսանկարներ է տեղադրել իր թվիթերյան էջում, որտեղ երևում է, թե ինչ ջանասիրաբար է թաց անձեռոցիկով մաքրում վատ գրությունները Թրամփի աստղի վրայից:
«Ես անգամ զարմացել էի, որ ինձնից առաջ որևէ մեկի մտքով չի անցել մաքրել այն: Սակայն երևի նման վիրավորանքները պարբերաբար հայտնվում են այդ աստղի վրա», – ասել է Մաքենան՝ խոստովանելով, որ խիստ նեղսրտել է որոշ օգտատերերի կոպիտ մեկնաբանություններից:
