Մեքսիկայում «Ինգրիդ» և «Մանուել» փոթորիկների հետևանքով զոհերի թիվը հասել է 101-ի: Այս մասին հաղորդում է RIA Novosti-ն՝ վկայակոչելով երկրի ներքին գործերի նախարար Միգել Օսորիո Չոնգին:
Նրա խոսքով՝ Գերերո նահանգում Պիտանդա բնակավայրում սողանքի հետևանքով անհետ կորած է համարվում 68 մարդ:
Ընդհանուր առմամբ բնական աղետից Մեքսիկայում տուժել է 24 նահանգ, իսկ ժամանակավոր կացարաններում մնում է 58 հազար մարդ:
«Հաջորդ շաբաթ մենք ակնկալում ենք հորդառատ անձրևներ»,- ասել է Չոնգը:
Միաժամանակ Մեքսիկայի իշխանություններին հաջողվել է շրջափակումից հանել Ակապուլկո քաղաքի շուրջ 37 հազար զբոսաշրջիկներին, որոնք մնացել էին այնտեղ փոթորկի պատճառով:
«Ինգրիդ» և «Մանուել» փոթորիկները Մեքսիկա են շարժվել երկու կողմից՝ Ատլանտյան և Խաղաղ օվկիանոսներից: Օդերևութաբանների տվյալներով՝ վերջին անգամ նման բան տեղի է ունեցել 1958թ.:
