Առանց ծխախոտի համաշխարհային օրվա կապակցությամբ այսօր ՄԱԿ-ի գլխավոր քարտուղար Բան Կի Մունը հանդես է եկել հայտարարությամբ, որում նշել է ծխախոտի հետ կապված այն լրջագույն խնդիրները, որին ականատեսը կդառնա մարդկությունն առաջիկայում:
Ըստ այդմ՝ 20-րդ դարում ծխախոտից մահացել է 100 միլիոն մարդ, սակայն եթե լուրջ հետևություններ չանենք, ապա մինչև ընթացիկ դարի վերջը այդ թիվը կհասնի մոտ 1 միլիարդի:
Հայտարարության մեջ մասնավորապես նշվում է, որ պայքարը ծխելու դեմ թույլ կտա արդյունք գրանցել խրոնիկ, այդ թվում՝ քաղցկեղի և սրտանոթային հիվանդությունների դեմ պայքարում: «Մեր զինանոցում եղած ամենաէֆեկտիվ միջոցը Առողջապահության միջազգային կազմակերպության կողմից ընդունված Ծխելու դեմ պայքարի շրջանակային կոնվենցիան է: Այն պահից, երբ Կոնվենցիան ներկայացվեց բաց ստորագրության համար (2003 թ.), դրան մասնակից դարձավ ավելի քան 170 երկիր, և այդպիսով ՄԱԿ-ի պատմության մեջ պատկանում է այն պայմանագրերի շարքին, որին ամենաարագ տեմպերով միացել են այդքան շատ երկրներ»,- ասվում է հայտարարության մեջ:
