Շատերը սիրում են սնվելիս նորություններին ծանոթանալ սմարթֆոնով, սակայն քչերը գիտեն, որ սմարթֆոնների, պլանշետների ու համակարգչային ստեղնաշարերի վրա ավելի շատ վտանգավոր բակտերիաներ կան, քան հասարակական զուգարանի զուգարանակոնքի վրա: Այս մասին հայտնում է The Telegraph-ը:
Հետազոտողները 30 սմարթֆոնների մակերևույթին նկատել են փսխում և լուծ առաջացնող բակտերիաներ: Հայտնաբերվել են նաև բավականին վտանգավոր աղիքային ցուպիկներ:
iPad-ներից մեկի վրա էլ նկատվել է ոսկեգույն ստաֆիլակոկի «բարգավաճող հասարակություն»: Այդ բակտերիան կենսագործունեության ընթացքում առաջացնում թունավոր նյութեր, որոնք կարող են սննդային սուր թունավորում առաջացնել:
Հասարակական զուգարանի զուգարանակոնքի վրա այդ բակտերիաների թիվը չի գերազանցում 20-ը: Միջին վիճակագրական սմարթֆոնի վրա դրանց թիվը 140 է, իսկ կեղտոտ ստեղնաշարի վրա՝ մոտ 480:
Սարքերի կենսաբանական կեղտի նման բարձր մակարդակը պայմանավորված է նրանով, որ մարդիկ դրանք ուղղակի ցած չեն դնում իրենց ձեռքից: Նրանք կիրառում են այդ սարքերը սնվելիս, զուգարանում:
