«Մեծ յոթնյակի» (G7) երկրները ցանկանում են համագործակցել Ռուսաստանի հետ տարածաշրջանային ճգնաժամերի կարգավորման համար՝ չնայած տարաձայնություններին։ Այս մասին ասվում է իտալական Տաորմինա քաղաքում անցկացված գագաթնաժողովի ամփոփիչ հռչակագրում՝ փոխանցում է RIA Novosti-ն։
«Չնայած Ռուսաստանի հետ մեր տարաձայնություններին՝ մենք ցանկանում ենք փոխգործակցել Ռուսաստանի հետ տարածաշրջանային ճգնաժամերի և ընդհանուր խնդիրների լուծման գործում, երբ դա բխում է մեր շահերից»,-ասվում է փաստաթղթում։
«Պատժամիջոցները կչեղարկվեն, երբ Ռուսաստանն իրականացնի իր պարտավորությունները։ Այդուհանդերձ, մենք պատրաստ ենք նաև ձեռնարկել հետագա սահմանափակիչ միջոցառումներ՝ բարձրացնելու գինը Ռուսաստանի համար, եթե պահանջվի»,-ասվում է հռչակագրում։