Ֆրանսիացի դերասանուհի Մարիոն Քոթիյարը, որը 2008 թվականին ստացել է«Օսկար» մրցանակ, պատմել է Առնո Դեպլեշենի «Իսմայելի տեսիլքները» ֆիլմում իր դերի մասին, որով կբացվի Կաննի հոբելյարական կինոփառատոնը:
Դեպլեշենի ֆիլմերը հինգ անգամ մասնակցել են Կաննի փառատոնին, սակայն ոչ մի անգամ «Արմավենու ոսկե ճյուղ» չեն ստացել: Նրա նոր ֆիլմը պատմում է ծեր ռեժիսոր և կատարող Մատյե Ամալրիկայի մասին, որը 20 տարի առաջ կորցրել է իր երիտասարդ կնոջը` Կառլոտին ու նոր կյանք է սկսում Սիլվիայի հետ:
«Իհարկե, հենց սցենարում կա այն ամենը, ինչ քեզ պետք է: Ինձ բավական էր լսել, թե ինչպես է Առնոն խոսում Կառլոտի մասին և նրան նկարագրում: Նա շատ է գրել ինձ համար, և ինձ բավական է եղել նրա խոսքը: Ես ունեմ աշխատանքի հատուկ մեթոդ, սակայն որոշ օրինակներ ես օգտագործում եմ իմ ողջ կարիերայի ընթացքում: Ես զգում եմ կերպարի բնավորությունը, երբ հասկանում եմ, ինչպես է նա շնչում, քանի որ մարդու շնչառությունում արտացոլվում է այն, թե ինչպես է նա խոսում, գործում, ով է նա իրականում»,- ասել է Քոթիյարը լրագրողներին:
