ՀՀ արտակարգ իրավիճակների նախարարությունն ապրիլի 30-ին, ժամը 22:48-ին տեղեկություն է ստացել, որ Երևան քաղաքի Իսակովի պողոտայում՝ ԱՄՆ դեսպանատան մոտակայքում, տեղի է ունեցել ՃՏՊ, ավտոմեքենան բախվել է սյանը, կան տուժածներ, առկա է գազի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Mercedes G500» մակնիշի 15 RR 300 պետհամարանիշով ավտոմեքենան դուրս է եկել ավտոճանապարհի երթևեկելի հատվածից և բախվել արտաքին լուսավորման սյանը. գազի արտահոսք չի եղել:
Մինչ փրկարարների՝ կանչի վայր հասնելը 1985 թ. ծնված Ա. Է.-ն, 1993 թ. ծնված Հ. Կ.-ն և 1997 թ. ծնված Դ. Ա.-ն տեղի ուժերով դուրս են բերվել ավտոմեքենայից և տեղափոխվել «Աստղիկ» ԲԿ: Բժիշկները Ա. Է.-ի առողջական վիճակը գնահատել են միջին ծանրության, Հ. Կ.-ինը՝ ծանր, իսկ Դ. Ա.-ինը՝ ծայրահեղ ծանր:
Փրկարարները հոսանքազրկել են ավտոմեքենան:
