ԵԽԽՎ-ի ներկայիս ղեկավար Պեդրո Ագրամունտը չի կարողանա հայտարարություններ անել կամ այցեր կատարել Վեհաժողովի անունից: Ինչպես հաղորդում է RIA Novosti-ն, այս մասին հայտարարել է ԵԽԽՎ-ի փոխնախագահ, բրիտնական պատվիրակության ղեկավար Ռոջեր Գեյլը:
Ապրիլի 24-ին մեկնարկել է ԵԽԽՎ-ի գարնանային նստաշրջանը, բայց վեհաժողովի աշխատանքը դադարեցվել է սկանդալի պատճառով, որը ծագել է Ագրամունտոյի՝ ռուսական պատվիրակության հետ Սիրիա այցի պատճառով: Խորհրդարանական լսումների ժամանակ Ագրամունտոն խոստացել էր հայտարարութուն անել իր կարգավիճակի վերաբերյալ ապրիլի 28-ին, բայց նա չի ներկայացել Վեհաժողովի նիստին, որտեղ, ինչպես ակնկալվում էր, նա հայտարարելու էր իր հրաժարականի մասին:
«Ինչպես հասկացաք, Ագրամունտը չի ղեկավարել այսօրվա նիստը, նրա բացակայությամբ ես կղեկավարեմ այն»,-ասել է Գեյլը:
Նրա խոսքով՝ Վեհաժողովում որոշում է կայացվել, որ «մենք այլևս չենք վստահում նախագահին»: «Եվրոպայի խորհրդի և ԵԽԽՎ-ի արդարությունը և սկզբունքները շատ ավելի կարևոր են, քան առանձին անդամներ»,-հավելել է նա:
