ԱՄՆ նախագահ Դոնալդ Թրամփը հայտարարել է, որ նախագահի աշխատանքն ավելի բարդ էր, քան ինքը կարծում էր։ Այս մասին նա ասել է Reuters գործակալության հետ հարցազրույցում։
«Ես սիրում էի իմ նախկին կյանքը։ Այստեղ աշխատանքն ավելի շատ է, քան այն ժամանակ։ Կարծում էի՝ ավելի հեշտ կլինի»,-ասել է նախագահը։
Նրա խոսքով՝ մշտական անվտանգության ու հսկողության տակ ինքն իրեն զգում է ինչպես բոժոժ։ Թրամփը հավելել է, որ կարոտում է ինքնուրույն մեքենա վարելը։
«Ես սիրում եմ վարել։ Սակայն ես այլևս չեմ կարող ինքնուրույն վարել»,-նշել է պետության ղեկավարը։
