ՄԱԿ-ի գլխավոր քարտուղար Պան Գի Մունը ԱՄՆ-ին կոչ է արել ընդունել Սիրիայի քիմիական զենքը միջազգային վերահսկողությանը փոխանցելու Ռուսաստանի առաջարկը, քանի որ դա կօգնի խուսափել Դամասկոսի դեմ ռազմական օպերացիայից: Նա այդ մասին հայտնել է ՄԱԿ-ի կենտրոնակայանում Ճապոնիայի իշխող կոալիցիայի մեջ մտնող «Նոր Կոմեյտո» կուսակցության առաջնորդ Նացուո Յամագուտիի հետ հանդիպմանը՝ փոխանցում է ITAR-TASS-ը:
«Ես կցանկանայի, որպեսզի այդ գաղափարին աջակցեին ԱՄՆ-ն ու Սիրիան»,- ասել է Պան Գի Մունը՝ նշելով, որ ինքը հանդես է գալիս Սիրիայում իրավիճակի խաղաղ լուծման օգտին: Նրա խոսքով՝ շատ կարևոր է Սիրիայում հակամարտությունը դադարեցնելն ու այնտեղ նորից հասարակություն վերաձևավորելը:
Երեկ Օբաման ABC-ին տված հարցազրույցում հայտնել էր, որ ռուսական ծրագրի իրականացման դեպքում ԱՄՆ-ի հարվածը կարող է հետաձգվել:
