Aravot.am-ի փոխանցմամբ՝ այս օրերին «Հանրապետություն» կուսակցության նախագահ Արամ Սարգսյանը կոնսուլտացիաներ է անցկացնում կուսակցությունների և քաղաքական տարբեր գործիչների հետ՝ Մաքսային միություն մտնելու հետ կապված բողոքի մեծ ալիք բարձրացնելու համար:
Aravot.am-ի հետ զրույցում նա այսպես է բացատրել այդ խորհրդակցությունների նպատակը. « Ես անողոք ընդդիմություն եմ լինելու: Իշխանությունների լեգիտիմության մասին ես բավականին անողոք իմ տեսակետն ասել եմ: Բայց կային գործընթացներ, որոնք ինչ-որ չափով համընկնում էին թե՛ իմ, թե՛ իմ կուսակցության ուղղություններին, որոնք ամրագրված էին մեր կուսակցության ծրագրերում: Մենք առաջիններից էինք, որ ասում էինք այդ մասին, Սերժ Սարգսյանը միացավ մեզ: Խոսքը եվրոպական ընտանիքում Հայաստանի տեղն ու դերը տեսնելու մեջ էր: Մենք ասել ենք, որ ողջունելու ենք այդ գործընթացը: Հիմա, երբ որ հակառակ ուղղությամբ ենք գնում, դա միանշանակ դեմ է մեր կուսակցության ծրագրերին, մեր խորին համոզմամբ՝ դա լուրջ վտանգ է ՀՀ անկախության համար և մենք հակված ենք ամբողջ ուժով պայքարելու դրա դեմ:Մենք սկսում ենք կոնսուլտացիաներ՝ այդ իրավիճակից դուրս գալու համար»:
Արամ Սարգսյանը վստահեցրել է, որ անողոք պայքար են մղելու այս իշխանության դեմ:
Նյութն ամբողջությամբ կարդացեք Aravot.am-ում
