Ֆրանսիայի նախագահական ընտրությունների առաջին փուլում հաղթանակ տարած 39-ամյա Ֆրանսուա Մակրոնը, որը համարվում է ընտրապայքարի ֆավորիտը, ամուսնացած է իր ուսուցչուհու հետ՝ գրում է kp.-ru-ն:
Աղբյուրը փաստում է, որ թեկնածուի և նրա կնոջ տարիքային տարբերությունը՝ 24 տարի, բուռն քննարկումների առիթ է տվել ֆրանսիական հասարակությունում: Մակրոնը, որին լրատվամիջոցները կոչում են Եվրոպայի ամենասեքսուալ քաղաքական գործիչ, իր կնոջ՝ առաջին ամուսնությունից ծնված երեխաների հասակակիցն է:
Մակրոնը լրագրողներին ասել է, որ ապագա կնոջը՝ Բրիջիթ Տրոնյոյին, սիրահարվել է 15 տարեկանում, երբ վերջինս 39 տարեկան էր: Բրիջիթը Էմանուելի ուսուցչուհին է եղել կրոնական դպրոցում: Այդ ժամանակ նա ամուսնացած էր և երեք երեխա ուներ:
Տարիներ շարունակ նրանց հարաբերությունները պլատոնական բնույթ են կրել, սակայն 2007թ. Տրոնյոն ամուսնալուծվել է, որից հետո էլ դարձել է Մակրոնի կինը:
Ֆրանսիական հասարակության տարակարծիք է Մակրոն-Տրոնյո զույգի հարցում. մի մասն անկեղծորեն հիանում է նրանց սիրով, մինչդեռ մյուսներն այդ ամուսնությունը համարում են Մակրոնի միասեռական ուղղվածությունը քողարկելու փորձ: Հայտնի է, որ ֆրանսիական լրատվամիջոցները բազմիցս գրել են Մակրոնի ու լրագրող Մատյե Գալեի կապի մասին:
Մակրոնը հերքում է միասեռական լինելու տեղեկությունն ու նշում, որ շրջանառվող նմանատիպ լուրերը խիստ խոցում են իր սիրելի կնոջ զգացմունքները:
