«Հայկական ժամանակ» օրաթերթի առաջնորդողում կարդում ենք.
«Արդեն մի քանի ամիս է, ինչ ՀՀ ոստիկանապետ Վովա Գասպարյանը Երևանի տարբեր հատվածներում ԶԼՄ- ների տեսախցիկների աոաջ փորձում է նկարահանել «բարեփոխված ոստիկանություն» պայմանական անունով սերիալը: Ոստիկանները այսուայնտեղ բռնկվող բողոքի ակցիաների մասնակիցներին գրկած, նստեցնում են ոստիկանական մեքենաները և բերման ենթարկում:
Ու մինչ այդ սերիալը նկարահանվում է, մեկ կամ մի քանի բանդաներ այդ նույն ակցիաների մասնակիցներին գիշերները դարանակալում են ու ծեծի ենթարկում: Աոաջին այդպիսի դեպքը գրանցվեց դեռ երկու շաբաթ աոաջ ու մինչ օրս արդեն 4 նման դեպք է արձանագրվել պաշտոնապես: Դրանցից վերջինը նախորդ գիշերն է եղել: Բոլորը մարմնական վնասվածքներով: Բայց ամբողջ խնդիրն այն է, որ դրանցից և ոչ մեկի առիթով ոստիկանությունը նույնիսկ քրեական գործ չի հարուցել, էլ չենք խոսում դրանց բացահայտման մասին: Այդ բանդիտներին հայտնաբերելու ուղղությամբ ոստիկանությունը բացարձակապես ոչ մի քայլ չի արել: Դեպքերին վերաբերող լրագրողական բոլոր հարցումներին ի պատասխան ոստիկանությունը հայտարարում է. «Քննություն է ընթանում»: Բոլորի համար է ակնհայտ, որ ոստիկանությունը չի էլ ուզում բացահայտել այդ բանդաներին: Չի ուզում, որովհետև դրանք գործում են գործող իշխանության ուղղակի հովանավորությամբ և հրահանգներով ու կազմում են Սերժ Սարգսյանի երազած «Ապահով Հայաստանի» անբաժանելի մասը:
Հոդվածն ամբողջությամբ՝ կարդացեք «Հայկական ժամանակ»-ի այսօրվա համարում:
