Սիրիական ընդդիմությունը երկրում իրավիճակը կարգավորելու համար չի կարող համագործակցել Իրանի հետ, այնպես, ինչպես համագործակցում են Ռուսաստանի հետ, քանի որ Թեհրանը արաբական աշխարհում ունի հեգեմոնիայի նախագիծ: Այդ մասին RIA Novosti-ին հայտնել է սիրիական ընդդիմության Բանակցությունների հարցով բարձրագույն կոմիտեի ղեկավարի տեղակալ Յահյա Կոմանդին:
«Մենք չենք կարող համագործակցել Իրանի հետ այնպես, ինչպես մենք համագործակցում ենք Ռուսաստանի հետ: Իրանը արաբական տարածաշրջանում ունի նախագիծ` նրանց վրա իր գերիշխանության նախագիծ»,- ասել է Կոդմանին:
Որպես արաբական աշխարհում Իրանի «հեգեմոնիայի» օրինակ, ընդդիմադիրը հիշեցրել է Իրաքում, Լիբանանում, Բահրեյնում, Եմենում և Սաուդյան Արաբիայում Թեհրանի ազդեցությունը:
«Չեմ կարծում, որ Ռուսաստանի շահերից է` թույլ տալ, որպեսզի Իրանը դառնա (Սիրիայում) իրադրության տերը, քանի որ ռուսները ընկերասեր ժողովուրդ են, որոնք ունեն ռազմավարական տնտեսական շահեր, և մենք դրանք հարգում ենք: Սակայն, ինչ վերաբերվում է Իրանին, ապա այն շահեր չունի, այլ միայն կա Սիրիայում գերիշխանության նախագիծ»,- հայտարարել է նա:
