Մեծ Բրիտանիան պետք է փոխգործակցի Ռուսաստանի հետ, և նրա կառավարության հետ համագործակցությունից հրաժարվելը չի կարելի անվանել արտաքին քաղաքականության կենսունակ տարբերակ, քանի որ Ռուսաստանը հանդիսանում միջուկային զենք ունեցող պետություն և ՄԱԿ ԱԽ անդամ։ Այս մասին ասվում է բրիտանական խորհրդարանի Համայնքների պալատի միջազգային կոմիտեի զեկույցում։
Ինչպես նշվում է՝ Մեծ Բրիտանիան կարող է փոխգործակցել Ռուսաստանի հետ, սակայն առանց բարոյականության ոլորտում ու օրենքի դաշտում զիջումներ անելու անհրաժեշտության, առանց սեփական արժեքների ու չափորոշիչների զոհողության։ Կոմիտեն խորհուրդ է տվել Ռուսաստանի հետ փոխհարաբերությունների վերլուծմանն էլ ավել մեծ ռեսուրսներ հատկացնել ԱԳՆ-ում և դիտարկել նախարարական մակարդակով պաշտոնատար անձի նշանակման հարցը, ով պատասխանատու կլինի Ռուսաստանի հետ հարաբերությունների համար։
Ուկրաինայում և Սիրիայում Ռուսաստանի գործողությունները խորհրդարանականներն անվանել են առավել ակտուալ արտաքին քաղաքական խնդիրներ Մոսկվայի և Լոնդոնի հարաբերություններում։
Զեկույցում նշվում է, որ Մեծ Բրիտանիան պետք է շարունակի Ռուսաստանին պատասխանատվության կոչ անել Սիրիայում ռազմական հակամարտության պատճառով, ինչպես նաև Ղրիմի հարցով։
