Ոստիկանական գործողությունների դեմ անցկացված բողոքի ակցիայի ժամանակ ՀՀ Գլխավոր դատախազության առջև ելույթով հանդես եկավ ՀԱԿ ակտիվիստ Վարդգես Գասպարին: Նա նշեց, որ ոստիկանների գործողություններն ապօրինի են, և եթե նրանք քաղաքացիների նկատմամբ բռնություն են գործադրել իբրև թե այն բանի համար, որ նրանք փակել են փողոցը, ապա օգոստոսի 22-ին էլ Երրորդ մասից ոմն հեղինակության՝ Աշոտի հոգեհանգստի արարողության պատճառով փողոցները ևս փակվել էին:
«Դուք՝ ոստիկաններդ, օրենքից խոսելու իրավունք չունեք, նախ ինքներդ իմացեք երթևեկության կանոններն ու օրենքները: Երբ մեր ընկերը՝ Սևակը, կարմիր գծերը փողոցի վրա սևացնում էր, եկան ասացին՝ օրենք եք խախտում: Դուք որտե՞ղ էիք, ո՞վ էիք, երբ Վահե Ավետյանի արյունը հեղվեց: Դուք եկաք այն ժամանակ, երբ Նեմեց Ռուբոյի անվտանգութան համակարգը բոլոր հարցերը կարգավորել էր, հետո միայն թույլտվություն ստացաք մտնել «Հարսնաքարի» տարածք»,- ասաց նա։
Մանրամասները դիտեք տեսանյութում:
