Elite Traveler ամսագիրը կազմել է հյուրանոցային համարների վարկանշային աղյուսակ, որոնցից բացվում են ամենատպավորիչ տեսարանները: Ցուցակում ներառվել են տարբեր երկրների հյուրանոցներ:
1. Սենտ-Լյուսիում` Anse Chastanet շքեղ լողափին տեղակայված Jade Mountain հյուրանոցից հիանալի տեսարան է բացվում դեպի Գրոս-Պիտոն և Պտի-Պիտոն լեռներ:
2. Սինգապուրի Ritz-Carlton հյուրանոցի լոգարանից հնարավոր է հիանալ քաղաքի համայնապատկերով և Մարինա ծոցով:
3. Փարիզի Plaza Athenee հինգաստղանի հյուրանոցի «լյուքս» համարներից բացվում է դեպի Էյֆելյան աշտարակ լավագույն տեսարաններից մեկը:
4. Corinthia հյուրանոցի պենտհաուսը հնարավորություն է ընձեռում հիանալ Լոնդոնի համայնապատկերով:
5. Սան Ֆրանցիսկոյի Mandarin Oriental հյուրանոցի նախագահական համարից բացվում է տեսարան դեպի քաղաքի ամենաբարձր երկնաքերը` «Տրանսամերիկա»:
6. Պեկինի Pangu Seven Star Hotel հյուրանոցն իր հաճախորդներին առաջարկում է վայելել «Թռչնի բույն» ստադիոնի պատկերը:
7. Չիկագոյի Trump Hotel հինգաստղանի հյուրանոցի լավագույն սենյակներից բացվում է տեսարան դեպի Wrigley Building ժամացույցով աշտարակը:
8. Four Seasons Hotel-ի նախագահական «լյուքսը» հնարավորություն է տալիս տեսնել Սիդնեյի օպերային թատրոնը:
9. Հնդկաստանի Ագրա քաղաքի Oberoi Amarvilas հյուրանոցի հյուրերը կկարողանան հիանալ Թաջ-Մահալով:
10. Salto Chico չիլիական հյուրանոցը տեղակայված է Տորես-դել-Պայնե ազգային այգու սրտում:
11. Rome Cavalieri Waldorf Astoria հյուրանոցի պենտհասում մնացողները հիանում են Սուրբ Պետրոսի տաճարով և հրապարակով:
12. Ուինդերմիր լճի ափին է տեղակայված Samling Hotel անգլիական հյուրանոցը:
