Newsland.ru կայքի փոխանցմամբ, Քաթարում կառուցվելու է ստորջրյա, իսկ առավել ճշգրիտ՝ կիսաստորջրյա հյուրանոց, որի այցելուները կբնակվեն «մեդուզաներում»:
Այս նախագիծը ստացել է Amphibious 1000 անունը: Դրա վրա աշխատում են Giancarlo Zema Design Group ընկերության մասնագետները: Այս ընկերությունը մտադիր է կառուցել այնպիսի հյուրանոց, որը կիսով չափ ընկղմված կլինի ջրի մեջ և իր տեսքով կհիշեցնի դանդաղորեն ծովը սուզվող հրեշի:
Առայժմ հյուրանոցի կառուցման բոլոր մանրամասները մշակված չեն: Հյուրանոցն ունենալու է 80 լողացող համարներ (այսպես կոչված` մեդուզաներ), որոնցից հիասքանչ ստորջրյա տեսարան է բացվում:
Նշվում է, որ եթե Քաթարի հյուրանոցը լինելու է կիսաստորջրյա, ապա Ֆլորիդայում արդեն իսկ գործում է ամբողջովին ստորջրյա հյուրանոց: Դա Jules Undersea Lodge հյուրանոցն է, որը նախկինում եղել է գիտական լաբորատորիա: Այն գտնվում է 6 մետր խորության տակ, այդ հյուրանոցում մեկ գիշերն արժե 400 դոլար:
Նախորդ տարի էլ Ֆիջի արխիպելագի հյուսիս-արևելքում բացվեց Poseidon Undersea Resort ստորջրյա հյուրանոցը, որը գտնվում էր 15 մետր խորության տակ: Այստեղ երկտեղանոց համարում մեկ շաբաթ մնալն արժե 30,000 դոլար:
