Մեծ Բրիտանիայի ԱԳՆ-ը կարծում է, որ Սիրիայի մայրաքաղաք Դամասկոսի արվարձանում քիմիական հարձակման մեջ մեղավոր են երկրի նախագահ Բաշար Ալ-Ասադի վերահսկողության տակ գտնվող ուժերը: Գերատեսչությունը մտադիր է պնդել, որ դրան կոշտ գնահատական տրվի, եթե ՄԱԿ փորձագետներին թույլ չտան մուտք գործել դեպքի վայր: Ինչպես հաղորդում է RIA Novosti-ն, նման հայտարարությամբ հանդես է եկել արտգործնախարար Ուիլյամ Հեյգը:
«Մենք վստահ ենք, որ մեծ հաշվով դա քիմիական հարձակում է՝ Ասադի վարչակարգի ձեռքի գործը, սակայն մենք կցանկանայինք, որպեսզի ՄԱԿ-ը հնարավորություն ունենար գնահատելու դա»,- հայտարարել է Հեյգը:
Նախարարի խոսքերով՝ Մեծ Բրիտանիայի ԱԳՆ-ը կարծում է, որ Սիրիայի կառավարությունը ինչ-որ բան է թաքցնում ենթադրյալ քիմիական հարձակման վերաբերյալ, այդ պատճառով կպնդի, որ այն կոշտ արձագանքի արժանանա ՄԱԿ Անվտանգության խորհրդի կողմից, եթե կազմակերպության տեսուչներին թույլ չտան այցելել դեպքի վայր:
