Իրանը անհրաժեշտ միջոցներ կձեռնարկի արտասահմանում իր քաղաքացիների շահերը պաշտպանելու համար ԱՄՆ նախագահ Դոնալդ Թրամփի կողմից Իրանի և ևս մի քանի պետությունների քաղաքացիների մուտքը Միացյալ Նահանգներ արգելող որոշման ֆոնին։ Այս մասին հաղորդում է Mehr գործակալությունը։ «Իրանը կկայացնի որոշում, որը համարժեք պատասխան կլինի ԱՄՆ գործողություններին»,-հայտարարել է Իրանի արտաքին քաղաքական գերատեսչության ներկայացուցիչ Բահրամ Ղասեմին:
Նրա խոսքով՝ արտերկրում բնակվող Իրանի քաղաքացիների հետ կապված հարցերի լուծման համար երկրի արտգործնախարարությունում ստեղծվել է հատուկ հանձնաժողով, որն արդեն սկսել է իր աշխատանքը:
Հիշեցնենք, որ Թրամփը ստորագրել է հրամանագիր, որով անորոշ ժամկետով դադարեցվել է Սիրիայից փախստականների ընդունման գործընթացը, ինչպես նաև 90-օրյա մուտքի արգելք է սահմանվել Իրանի, Իրաքի, Լիբիայի, Սոմալիի, Սուդանի և Եմենի քաղաքացիների նկատմամբ:
