ՀՀ ոստիկանության կոլեգիայի հունվարի 18-ին տեղի ունեցած նիստի ընթացքում ամփոփվել են ոստիկանության ծառայությունների և տարածքային մարմինների 2016 թվականի օպերատիվ-ծառայողական գործունեության արդյունքները: Նիստը վարում էր ոստիկանության պետ, ոստիկանության գեներալ-գնդապետ Վլադիմիր Գասպարյանը:
Հաշվետու զեկույցով է հանդես եկել ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը:
Հունան Պողոսյանը նշել է, որ հանցագործությունների ընդհանուր թվաքանակը, գլխավորապես պայմանավորված ՀՀ քր. օր.-ի 327 հոդվածով նախատեսված դեպքերը ՀՀ ոստիկանության ինֆորմացիոն կենտրոնում 01.01.2016թ.-ից հաշվառելու հանգամանքով, աճել է 10,1%-ով: Ընդ որում, աճի շուրջ 80,0%-ը կազմում են հենց այդ դեպքերը, իսկ մնացածը պայմանավորված է առավել լատենտային համարվող ապօրինի պահվող զենք-զինամթերքի և թմրամիջոցների հետ կապված հանցագործության դեպքերի հայտնաբերման թվի աճով: