Երևանի պետական համալսարանի Հունիսի 21-ին կայանալիք ռեկտորի ընտրությունների հետ կապված նախընտրական տրամադրությունների և այլ հարցերի շուրջ «Հրապարակ»-ը զրուցել է ռեկտորի ժամանակավոր պաշտոնակատար, նախկին ռեկտոր Արամ Սիմոնյանի հետ: Իր թեկնածության մասին նախկին ռեկտորն ասել է. «Բաց ընտրություններ են, խորհրդի նիստը կլինի, և ես իմ ծրագրով հանդես կգամ: Եթե խորհուրդը գտնի, որ կարող եմ վերընտրվել` կընտրվեմ»:
Թերթի հարցին, թե հարցին, թե հնարավոր է համալսարանում էլ կրկնվի այն սցենարը, ինչ տեղի ունեցավ այլ բուհերի դեպքում`՝ ժամանակավոր պաշտոնակատարները, որպես միակ թեկնածուներ, ընտրվեցին ռեկտորներ, Սիմոնյանը պատասխանել է. «Դե, բաց ընտրություններ են, ով որ հնարավորություն ունի և համապատասխանում է պահանջներին, ցանկություն ունի, դիմում է. նախարարությունն Է կազմակերպում ընտրությունները, ես իմ գործով եմ լինելու»: Ինչ վերաբերում Է Լևոն Սարգսյանի` հաջորդ ռեկտորը լինելու խոսակցություններին, Սիմոնյանը պատասխանել է. «Ես բոլոր տիպի խոսակցություններին հանգիստ եմ վերաբերվում, որովհետև յուրաքանչյուր քաղաքացի, ով համապատասխանում Է այդ չափանիշներին, կարող Է գործերը տալ ու դիմել:
Ես պատասխանատու եմ ինձ համար, իմ ծրագրի համար: Խորհուրդն Էլ կորոշի»: Ւսկ թե ինչպես է գնահատում իր չորս տարիների աշխատանքը` նախկին ռեկտորը առանց վարանելու հավաստիացրել է. «Ընդհանուր առմամբ դրական եմ գնահատում, չեն քննադատում՝ միայն նրան, ով չի աշխատում, թերություն չունի միայն նա, ով չի աշխատում: Ես կարծում եմ, որ հաջողություններն ավելի շատ են եղել, քան թերությունները, հակառակ դեպքում համալսարանում այնպիսի մթնոլորտ կլիներ, որ ես բարոյական չէի համարի իմ գործերը տալ: Եթե ինչ-որ բաներ հաջողվել են, նշանակում է` գործեր արվել են»: Զրույցի վերջում նախկին ռեկտորը եզրափակել է, թե խաղաղ ընտրություններ է կանխատեսում, չնայած թեժ լինելու մեջ էլ վատ բան չի տեսնում:
