Կանադայի Մաքգիլի համալսարանի գիտնականները գնահատել են լճերում կենտրոնացած ջրի համաշխարհային պաշարները։ Հետազոտությունը հրապարկվել է Nature Communications ամսագրում։
Ընդհանուր առմամբ աշխարհում հաշվվում է 1.4 մլն լիճ, որոնց չափը գերազանցում է 10 հեկտարը (14 ֆուտբոլային դաշտ)։ Այնտեղ տեղավորված է ավելի քան 180 հազար խորանարդ կմ ջուր։
Աշխարհի 10 խոշոր լճերին բաժին է ընկնում ջրի 85 տոկոսը։ Ամենից շատ լճեր (62 տոկոս ըստ ծավալի) կան Կանադայում, որտեղ դրանք գոյացել են սառցադաշտերի հալոցքի արդյունքում, որը սկսվել է մոտ 10 հազար տարի առաջ։
Աշխարհի լճերի ընդհանուր ափային երկայնական գիծը (7 մլն կմ) ավելի քան 4 անգամ գերազանցում է Համաշխարհային օվկիանոսի ափային երկայնական գիծը և մոտավոր հավասար է Լուսնի և Երկրի միջև հեռավորության 10 չափին։ Եթե լճերի ջուրը տարածվեր մոլորակի ողջ մակերևույթին, դրա շերտի հաստությունը կկազմեր 1.3 մետր։
Գիտնականներն իրենց եզրակացություններն արել են արբանյակներից ստացված տվյալների համակարգչային վերլուծության հիման վրա։
