Լիբիայում բերբերների էթնիկ խմբի անդամները Տրիպոլիում ներխուժել են խորհրդարանի շենք: Այս մասին հայտնում է BBC-ն:
Ազգային կոնգրեսի ներկայացուցչի խոսքով՝ հարձակվողները կոտրել են խորհրդարանի շենքի ապակիները, ջարդել կահույքն ու պատգամավորներին պատկանող փաստաթղթեր գողացել:
Տուժածների մասին դեռևս տեղեկություններ չկան:
Բերբերները պահանջում են, որ երկրի ապագա սահմանադրությունը ճանաչի իրենց լեզուն ու մշակույթը:
Չնայած բերբերները ներկայումս կազմում են երկրի բնակչության 5-10 տոկոսը, նրանք Լիբիայի տարածքում ապրել են ավելի վաղ ժամանակներից, քան այնուհետև այնտեղ բնակություն հաստատած արաբները:
Մուամար Քադաֆիի ղեկավարման տարիներին բերբերները ենթարկվել են հետապնդումների ու խտրականության:
